Babajana LOGO

აშშ-ის ელჩი - უკანონო "ბორდერიზაციის" ნებისმიერ მცდელობას დიდი შეშფოთებით ვუყურებთ და ყურადღებით ვაკვირდებით მიმდინარე მოვლენებს

16 სექტემბერს 2020 09:27ნახვები 714წყარო: ipn.geფოტო: ipn.ge
უკანონო ე.წ ბორდერიზაციის ნებისმიერ ასეთ მცდელობას რა თქმა უდნა, დიდი შეშფოთებით ვუყურებთ და ყურადღებით ვაკვირდებით მიმდინარე მოვლენებს, - ამის შესახებ ამერიკის შეერთებული შტატების ელჩმა, კელი დეგნანმა ჟურნალისტებს განუცხადა.
ელჩის თქმით, რუსეთმა 2008 წელს აღებული ვალდებულებები უნდა შეასრულოს.
„მე კიდევ ერთხელ გავიმეორებ, ჩვენს ურყევ მხარდაჭერას საქართველოს სუვერენიტეტისა და ტერიტორიული მთლიანობის მიმართ. რუსეთმა 2008 წლის ცეცხლის შეწყვეტის შეთანხმებით ნაკისრი ვალდებულებები უნდა შეასრულოს და უკან წაიღოს აფხაზეთისა და ოსეთის აღიარება. ეს ის ვალდებულებებია, რაც 12 წლის წინ უნდა შეესრულებინა“, - აღნიშნა კელი დეგნანმა.
ცნობისთვის, საოკუპაციო ძალების წარმომადგენლები გამყოფ ხაზთან მდებარე სოფელ ნიქოზის განაპირას, უკანონო ბორდერიზაციის პროცესს აგრძელებენ. ე.წ. მესაზღვრეები საფორთიფიკაციო ნაგებობების ბოძებს იმ ღობიდან 10-15 მეტრის დაშორებით ამონტაჟებენ, რომელიც ნიქოზის განაპირას რამდენიმე წლის წინ აღმართეს.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania