Babajana LOGO

ნათელაშვილი სააკაშვილს: თანამდებობაზე ოცნებას თავი დაანებე

05 ოქტომბერს 2020 08:44ნახვები 1 185წყარო: pia.geფოტო: pia.ge
„მიხეილ სააკაშვილს არ ასვენებს ლეიბორისტული პარტიის დარდი. მის განცხადებებს ადრე არ ვეხმაურებოდით. თუმცა წუხელ, მთავარი არხის მიერ გამოქვეყნებულ რეიტინგში, სადაც ჩვენი მონაცემი პირდაპირ სააკაშვილის ნაკარნახევია, არ გვიტოვებს უფლებას არჩევნების წინ გავჩუმდეთ და რეაქცია არ გამოვხატოთ“,- ამის შესახებ „ლეიბორისტული პარტიის“ ლიდერი შალვა ნათელაშვილი სოციალურ ქსელში წერს. მისი თქმით, ოპოზიცია მოქმედ ხელისუფლებას უნდა ებრძოლოს და არა ერთმანეთს.
„თუ მიხეილ სააკაშვილის პრინციპია, უჩემოდ ქვა-ქვაზე არ დარჩენილა - ამას ძნელად დავიჯერებთ, მაგრამ საქმეები მეტყველებს მოვლენების ამგვარ განვითარებაზე. მე უფლებას ვიტოვებ გამოვთქვა ეჭვი, რომ ივანიშვილს და სააკაშვილს შორის გრძელდება ფარული პიროვნული თანამშრომლობა და ალიანსი, რისი მაჩვენებელიც გახლავთ „ნაციონალური მოძრაობის“ გამსვლელ სიაში ამ პარტიის სახელოვანი ლიდერების ნაცვლად, ივანიშვილის ოლიგარქთა ჩაწერა, როგორიც არიან ოქრიაშვილი, ჩოჩელი, ხაბულიანი და ნიკოლაიშვილი.
პირველსავე შემთხვევაში, როცა საქმე მიდგება კოალიციური მთავრობის შექმნაზე, ოთხივე ივანიშვილისკენ გადაიხრება და არცერთ შემთხვევაში ოპოზიციისკენ.
მე მოვუწოდებ მიხეილ სააკაშვილს, თანამდებობაზე ოცნებებს თავი დაანებოს, ის ორი ვადით იყო უკვე პრეზიდენტი და მისი პრეზიდენტობა დამთავრდა ქვეყნის ტერიტორიის დაკარგვით, პუტინის ოლიგარქიის მოსვლით, მისთვის მოქალაქეობის ჩამორთმევით და შემდგომ მისი სახურავებზე სირბილით კიევში. საკმარისია ეს ყველაფერი.
ის ვალდებულია მორალურად, პოლიტიკურად, ადამიანურად, ხელი შეუწყოს ოპოზიციური ძალების თანამშრომლობას, კოორდინაციას, პუტინისტური ოლიგარქიის მოცილებას, ჩვენი ქვეყნის გადაყვანას პოლიტიკური, სოციალური განვითარების ახალ სიმაღლეებზე და არცერთ შემთხვევაში არ მოგვაბეზროს თავი პრემიერ მინისტრობით, პოლიტიკური მითითებებით, რეიტინგების შედგენით და საკუთარ სიებში ივანიშვილის ოლიგარქთა ჩაწერით. ეს არის მეგობრული რჩევა მიხეილ სააკაშვილის მიმართ. თუ გაითვალისწინებს იქნება კარგი, თუ არა - შედეგებს ვნახავთ“,- აცხადებს შალვა ნათელაშვილი.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
Georgian Bread
MAX Chania