"იცნობდეთ ივანიშვილის პირად ცენზორებს, რომლებიც "მთავარი არხის" დახურვის დავალებას თანმიმდევრულად ასრულებენ" - ამის შესახებ "მთავარი არხის" გენერალური დირექტორი ნიკა გვარამია წერს და ასაჯაროებს მარეგულირებელი კომისიის იმ თანამშრომლების ფოტოებს, რომელთა გადაწყვეტილებითაც დღეს "მთავარი არხი" 111 903 ლარით დაჯარიმდა.

იცნობდეთ თავისუფალი სიტყვის ჯალათებს, ივანიშვილის პირად ცენზორებს, რომელიც "მთავარი არხის" დახურვის დავალებას თანმიმდევრულად ასრულებენ! დღეს სრულიად უსაფუძვლოდ 112.000 ლარით დაგვაჯარიმეს. ამის შემდეგი სანქცია უკვე მაუწყებლობის შეჩერებაა. კახა ბექაური, ვახტანგ აბაშიძე, ეკატერინე იმედაძე!, - წერს ნიკა გვარამია.