ბევრი ისეთი შეცდომაა, რომელსაც ძალიან მწარედ ვნანობ. პირველ რიგში, ჩემი შეცდომაა ეს სასამართლო - განაცხადა მიხეილ სააკაშვილმა თბილისის საქალაქო სასამართლოში მიმდინარე პროცესის დროს რა დროსაც მესამე პრეზიდენტი განცხადებას აკეთებს.
მიხეილ სააკაშვილმა აღნიშნა, რომ "საკმარისზე მეტი" შეცდომა დაუშვა მმართველობის დროს, თუმცა საქართველოს დამნაშავე პრეზიდენტი არ ჰყოლია:

"შეცდომაა, რომ ჩვენ ვერ შევქმენით დამოუკიდებელი სასამართლო, ეს შეეხო ბევრ ჩემ თანამემამულეს და ახლა მეხება მეც და ბოდიშს ვუხდი ყველას, ვისაც ეს შეეხო, ისევე როგორც ყველა სხვა შეცდომა, რომელიც უნებურად თქვენ შეგეხოთ, ბოდიშს გიხდით კიდევ ერთხელ, მაგრამ შეცდომები და გადაცდომები ერთია და დანაშული მეორე. მე ვარ მიხელ სააკაშვილი და საქართველოს არ ჰყოლია დამნაშავე პრეზიდენტი. მე მინდა, ყველა ქართველმა ეს იცოდეს. საქართველოს სახელმწიფოს დამფუძნებელი არ შეიძლებოდა ყოფილიყო დამნაშავე" ამბობს მიხეილ სააკაშვილი.