"ჩვენ ყოფილ ლიდერთან იყო დაკავშირებული "- სახელმწიფო ინსპექტორის სამსახური და ახალი ბრალდებები გახარიას მისამართით
"ქართული ოცნების" ერთ-ერთი ლიდერის, მამუკა მდინარაძის განცხადებით, სახელმწიფო ინსპექტორი სამსახური არ უქმდება და პირიქით, უწყების "გაყოფით" ის ძლიერდება. პარტიის აღმასრულებელმა მდივანმაც გუნდის მიერ სახელმწიფო ინსპექტორის სამსახურის იმ ფორმით ჩამოყალიბება, რომლითაც ის აქამდე მოქმედებდა გუნდის ყოფილ ლიდერს დააბრალა.
მდინარაძეს გვარი არ დაუკონკრეტებია, თუმცა დააზუსტა, რომ საუბარია 2018 წლის შემდეგ პერიოდზე და მთავრობის მეთაურში მამუკა ბახტაძეს არ გულისხმობს - "ნამდვილად არ არის ბახტაძეზე საუბარი. შემდეგ იყო პირველი პირი, მაგრამ მანამდე ვიღაცეები ლობირებდნენ ამგვარად გადაწყვეტას".
სახელმწიფო ინსპექტორის სამსახური 2019 წელს ჩამოყალიბდა, მაშინ გიორგი გახარია შს მინისტრი იყო, იმავე წელს ის პრემიერმინისტრად დაინიშნა.
მდინარაძეს გვარი არ დაუკონკრეტებია, თუმცა დააზუსტა, რომ საუბარია 2018 წლის შემდეგ პერიოდზე და მთავრობის მეთაურში მამუკა ბახტაძეს არ გულისხმობს - "ნამდვილად არ არის ბახტაძეზე საუბარი. შემდეგ იყო პირველი პირი, მაგრამ მანამდე ვიღაცეები ლობირებდნენ ამგვარად გადაწყვეტას".
"გეთანხმებით იმაში, რომ ასეთი გადაწყვეტილება უკვე მიღებული იყო, რაც თავის დროზე რიგი სუბიექტური ფაქტორებიდან გამომდინარეობდა, ეს დაკავშირებული იყო ჩვენი გუნდის ყოფილ ლიდერთან, ვაღიაროთ, გულწრფელად თუ არ ვთქვით, საზოგადოება სხვანაირად არ დაგვიჯერებს, მაგრამ როდესაც დადგა საკითხი, რომ გავიაროთ რა არის სწორი ინსტიტუციურად, ეს ორი ფუნქცია შესაძლებელია თუ არა ერთად იყოს, არ არის თავსებადი", - თქვა მამუკა მდინარაძემ.იგივე შინაარსის კომენტარი დღეს პარტიის თავმჯდომრემ, ირაკლი კობახიძემაც გააკეთა და თქვა, რომ -"გუნდის ერთ-ერთი ლიდერის პოლიტიკური ინტერესი იყო ამაში, მაშინ იყო განსხვავებული მოსაზრებები გუნდის შიგნით". მისი თქმით, გვარს არ დაასახელებს, თუმცა გუნდის უმეტესობა მაშინაც "სწორ პოზიციაზე" იყო.
სახელმწიფო ინსპექტორის სამსახური 2019 წელს ჩამოყალიბდა, მაშინ გიორგი გახარია შს მინისტრი იყო, იმავე წელს ის პრემიერმინისტრად დაინიშნა.