ალმათი და მისი ცენტრი, რესპუბლიკის მოედანი, კვლავ მსოფლიოს ყველაზე ცხელი წერტილია. სროლა ყაზახეთის ყოფილ დედაქალაქში მთელი დღის განმავლობაში არ შეწყვეტილა. ადგილობრივი მედიის ინფორმაციით, ათობით მოკლულის ცხედარი პირდაპირ ქუჩაშია მიტოვებული.  
ასევე დაიცხრილა მგზავრებით სავსე სულ მცირე ორი ავტომანქანა. მთელი ღამის განმავლობაში არა თუ ვითარების განმუხტვა გახდა შესაძლებელი არამედ, ე.წ. ო-დე-კა-ბეს ძალებისა და რუსი სამხედროების ყაზახეთში შეყვანას ახალი საპროტესტო ტალღა მოჰყვა.
გასული ღამის განმავლობაში ასევე დააპატიმრეს 3000-მდე ადამიანი. ვრცელდება ინფორმაცია ათობით გარდაცვლილზე.