ნატო-ს გაფართოება ქმნის მიუღებელ რისკებს, რომელსაც მოსკოვი წინ აღუდგება - ალექსანდრ გრუშკო
"ნატოს გაფართოება ქმნის უსაფრთხოების რისკებს, რომლებსაც მოსკოვი წინ აღუდგება" - ამის შესახებ ნატო-რუსეთის საბჭოს სხდომის დასრულების შემდეგ რუსეთის საგარეო საქმეთა მინისტრის მოადგილემ, ალექსანდრ გრუშკომ განაცხადა.
"ალიანსის გაფართოების საკითხი ევროპის უსაფრთხოებაზე სეროზულ გავლენას ახდენს. 1997 წელს ნატო-ს კარზე მხოლოდ ერთი ქვეყანა აკაკუნებდა, რომელსაც რუსეთთან ერთი საერთო საზღვარი აქვს, და ეს იყო პოლონეთი. დღეს ნატოს შემადგენლობაში შევიდა ბევრი სახელმწიფო და მათი ტერიტორიები აშკარად გამოიყენება ძალის პროექციისთვის რუსეთის წინააღმდეგ სხვადასხვა გეოგრაფიული მიმართულებებიდან, ეს სერიოზულად აუარესებს ჩვენ უსაფრთხოებას და ქმნის მისთვის მიუღებელ რისკებს, რომლებსაც ჩვენ წინ აღვუდგებით", - თქვა გრუშკომ.მისივე თქმით, ჩრდილოატლანტიკური ალიანსის ისტორია ომების ისტორიაა, რუსეთი კი ყოველთვის "მშვიდობისმყოფელის როლს ასრულებდა".